“Vërtetimi i mjekut nuk ka datë”, Berisha: Shehu është agjent i policisë kriminale

Sali Berisha deklaroi për mediat se personi që e sulmoi është një agjent i policisë kriminale.

Kreu i Partisë Demokratike i qëndron idesë se agresioni i ushtruar ndaj tij në protestën e 6 dhjetorit është i planifikuar nga Edi Rama.

“Gerti Shehu është agjent i policisë kriminale, kontingjent me minimale, siç futen me doza të vogla në rrethet e trafikantëve, me disa çrregullime, por fakti që zyra e Fugës, shpërndau me urgjencë këtë dokument shëndetësor për të dëshmon se gjithçka ishte e përgatitur,” – u shpreh Berisha.

Sipas kryedemokratit dokumenti nuk ka asnjë datë konkrete dhe nuk dëshmon asgjë përveç fatit se ishte i bërë gati për t’u përdorur.

Berisha shtoi gjithashtu se Gert Shehu ka rinovuar patentën në vitin 2022, gjë që nuk mund të ndodhte nëse do të vuante nga ato probleme mendore.

LEXONI GJITHASHTU:

• Pamje nga vendi i ngjarjes ku u dhunua Berisha, ekspertët nisin hetimet
• U godit nga një qytetar, Berisha: Sulm i planifikuar nga Rama