Sulmi në Gaza, reagon Trump: Izraeli ka të drejtë të hakmerret kur i vrasin ushtarët
Presidenti i Shteteve të Bashkuara, Donald Trump, ka reaguar pas përshkallëzimit të luftimeve në Rripin e Gazës, duke mbrojtur veprimet e ushtrisë izraelite.
Trump tha se sulmet ishin të justifikuara, pasi sipas tij “ata vranë një ushtar izraelit”, pa e përmendur drejtpërdrejt Hamasin.
“Izraeli ka të drejtë të hakmerret. Nëse Hamasi nuk sillet siç duhet, do të eliminohet”, u shpreh presidenti amerikan, duke theksuar se armëpushimi nuk është në rrezik dhe se “asgjë nuk do ta rrezikojë atë”.
Reagimi i Trump erdhi pasi kryeministri Benjamin Netanyahu urdhëroi ushtrinë izraelite të ndërmarrë sulme të reja në Gaza, duke akuzuar Hamasin për shkelje të marrëveshjes. Sipas autoriteteve lokale, nga bombardimet e fundit janë vrarë të paktën 65 persona që prej ditës së djeshme.
Sulmet pasuan dorëzimin e eshtrave të një pengu që rezultuan se nuk i përkisnin asnjërit prej 13 personave që aktualisht mbahen në enklavë, si dhe përplasjet e armatosura në jug të Gazës midis forcave izraelite dhe militantëve të grupit.
Trump, në deklaratën e tij, la të kuptohet se mbështetja amerikane për Izraelin mbetet e pandryshuar, pavarësisht përshkallëzimit të situatës në terren.
LEXONI GJITHASHTU:
Kryefaqja
Tërmetet në Venezuelë, rritet në 1,450 numri i viktimave. 3,150 persona janë plagosur
Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
Trump kontrollon projektet e rinovimit në Uashington
- 20:46 Një person bie nga shkëmbi, forcat e kërkim-shpëtimit nisen drejt malit të Gopeshit
- 20:22 Tërmetet në Venezuelë, rritet në 1,450 numri i viktimave. 3,150 persona janë plagosur
- 20:08 Ministri i Mbrojtjes takim me Dendias në Athinë, detaje nga agjenda
- 20:03 Manuel Ugarte pëson dëmtim në ligamentin e gjurit në Kupën e Botës
- 19:47 Nis marshimi, qytetarët mblidhen para Kryeministrisë (VIDEO)
- 19:30 Incidentet në festimet për “Vidovdan”, reagon policia e Kosovës: 37 të shoqëruar për thirrje provokuese