Juventus-Roma është ndeshja më e rëndësishme e së shtunës në kampionatin italian. Torienzët synojnë të përfitojnë nga ndalesa e Interit, e të afrohen me këta të fundit në tabelën e klasifikimit. Kundërshtari nuk duhet nënvlerësuar, kjo për faktin se është një skuadër premtuese, për më tepër vjen në formë të mirë pas fitores me Napolin.
Allianz Stadium pritet të jetë plot e përplot në këtë super përballje, e natyrisht vendësit kanë shanset të afrohen me Interin, ndërsa diferenca është vetëm 5 pikë. Në anën Roma renditet e gjashta me 28 pikë, ku në rast fitore do të barazonte Bolonjan me 31 pikë.
Marash Kumbulla nuk do të grumbullohet as në këtë përballje, edhe pse mbrojtësi kuqezi ka mbyllur fazën e rikuperimit, duke bërë që debutimi i tij të vijë në vitin 2024. Po ashtu në dispozicion të trajnerit Mourinho nuk është as Sanches e Abraham. Tek torinezët mungojnë 5 lojtarë, ndërsa Chiesa është në dyshim. Në 5 sfidat e fundit direkte, 3 prej tyre janë fituar nga Juventus, 1 nga Roma dhe 1 e mbyllur në barazim.
