Syri digjital, okulistja: Teknologjia po dëmton shikimin e fëmijëve

Syri digjital është termi më i ri përdorur nga Organizata Botërore e Shëndetësisë, dhe që tregon dëmtimet në shikim si pasojë e ekspozimit të gjatë përpara pajisjeve teknologjike. Kjo problematikë haset më shumë tek fëmijët dhe studentët ndërsa shenjat janë disa.

“Kishte ankesa të fëmijëve që kishte dhimbje koke, lodhje të syve, skuqje të syve, lotim të shtuar ose tharje të tyre, dhimbje të shpatullës, dhimbje të qafës dhe kjo u bë alarmant sepse fëmijët nuk përqendroheshin në orët e mësimit, kishin lodhje përpara se të mbaronin orët e mësimit”, thotë Suzana Xhuka, okuliste.

Rastet e fëmijëve me syrin digjital nuk mungojnë as në vendin tonë dhe sfida në trajtim sipas okulistëve është e madhe.

“Syri digjital është një sfidë me e madhe për ta luftuar se sa në rastet kur kishim vendosje syzesh, nuk është vetëm vendosja e syzeve por duhet të bëjmë studime të thella për të mjekuar fëmijët, Në momentin që thotë një fëmijë rri 5-6 orë me telefon normal që ka syrin digjital”, shprehet okulistja.

Përdorimi me orë të zgjatura i pajisjeve teknologjike ka çuar në shtimin e rasteve të fëmijëve me miopi.

LEXONI GJITHASHTU:

• Ndërhyrja e rrallë në tru, mjekët heqin masën tumorale me endoskopi nga syri
• Okulisti: Kush ka lëkurë të errët rrezikohet më shumë nga tensioni i syrit