“Tabaku dhe Çupi jashtë listës së mbyllur”, surpriza te kandidatët e PD për Tiranën

Kur na ndajnë vetëm pak orë nga dorëzimi i listave të kandidatëve për deputet në Komisionin Qendror të Zgjedhjeve, gazetari i Euronews Albania, Ardit Hoxha, raportoi nga selia e Partisë Demokratike, ku përshkroi zhvillimet e fundit dhe emrat e përfolur për qarkun e Tiranës.

Sipas Hoxhës, një surprizë e madhe pritet për Tiranën, pasi dy deputetet e PD-së, Jorida Tabaku dhe Dhurata Çupi, janë përjashtuar nga lista e mbyllur dhe do të përfshihen në listën e hapur të Tiranës.

“Lista e mbyllur e PD-së përfshin emra të njohur, të cilët janë: Sali Berisha, Edi Paloka, Albana Vokshi, Belind Këlliçi, Flamur Noka, Jozefina Topalli, Besart Xhaferri, Fatmir Mediu, Erisa Xhixho, Klevis Balliu, Mesila Doda dhe Tedi Blushi”, tha Hoxha.

“Një element i veçantë që bie në sy është prania e katër përfaqësuesve të partive aleate të PD-së në listën e mbyllur: Tedi Blushi dhe Erisa Xhixho (nga Partia e Lirisë), Fatmir Mediu (nga PR) dhe Mesila Doda (nga PDIU). Kreu i PDIU, Shpëtim Idrizi do të përfshihet në listën e hapur në qarkun e Tiranës”, tha gazetari Ardit Hoxha.

LEXONI GJITHASHTU:

• Dalin emrat e mundshëm të kandidatëve për deputetë të PD dhe PS në qarkun e Durrësit
• Listat e PS: Pas Agron Malajt dhe Tërmet Peçi jep dorëhejen nga bashkia e Tepelenës