Tabaku: Mos krijoni ngërç, të zgjedhim një avokat mbi ligjin e rregulloren

Deputetja e PD, Jorida Tabaku gjatë fjalës së saj në Kuvend ka deklaruar se nuk është e rëndësishme zgjedhja e avokatit të popullit deri më datë 18. Sipas saj është më e rëndësishme përcaktimi i një procedure dhe fakti që kandidati të jetë konsensual.

Ajo shtoi se PD është gati që të dorëzojë kandidaturat për Avokat Populli që ata mbështesin duke shtuar se duhet që të bëjnë një proces transparent.

“Të gjitha firmat që mblidhen jashtë vullnetit të grupit parlamentar para se procesi i përzgjedhjes të ketë filluar nuk kanë asnjë vlerë. Për me të pas vendimit të Komisionit të Ligjit ku vetë zoti Manja e pranoi qe të gjitha kandidaturat kanë rënë.

Në qoftë se disa kandidatura mbështeten po nga të njëjtët firma deputetesh, pra një deputet mund të mbështesë një kandidat. atëherë juridikisht të gjitha kandidaturat kanë rënë. Sot jemi në kushtet e nisjes së një procedure ku ti japim Shqipërisë një kandidaturë të denjë për avokatit të popullit.

Binarët e ligjshmërisë edhe kushtetutës do të ishin vetëm kur PD t’ju kishte nisur një shkresë zyrtare me kandidatët e saj. Le të zgjedhim një avokat mbi ligjin e rregulloren. Mos krijoni ngërç kushtetues”, tha ajo.

LEXONI GJITHASHTU:

• OBSH: Analiza e re konfirmon se vaksinat nuk shkaktojnë autizëm
• Von der Leyen-Costa pas takimit me Vuçiç: Të përkushtuar për Serbi demokratike në BE