Tabaku: Parlamenti ka rolin e tij, të sigurojmë ndarjen e funksionit dhe kontrollit

Bashkëkryetarja e Këshillit të Integrimit, Jorida Tabaku në takimin Rajonal me “Plani i Rritjes për Ballkanin Perëndimor dhe ndikimi i tij në përshpejtimin e reformave të shtetit të së drejtës”, theksoi rëndësinë e bashkëpunimit qeveri parlament.

Tabaku, ka deklaruar se qeveria ka rolin e saj dhe parlamenti nga ana tjetër rolin e tij e për këtë arsye duhet të sigurohet një ndarje e funksionit dhe kontrollit.

“Monitorimi në procesin e integrimit në institucionet e pavarura, detyrimet që lindin nga raportet e vendeve të BE dhe progress raportit, detyron një bashkëpunim mes qeverisë dhe parlamentit.

Ligji ri për rolin e kuvendit ne procesin e intergrimit, i ka dhënë më shumë funksione parlamentit nga pikëpamja e monitorimit që nuk i merr dot qeveria, që i takojnë institucionit të parlamentit që duhet të kryhen përmes Keshillit Kombetar te Integrimit, dhe Komisionit të Çështjeve Europiane.

Qeveria ka rolin e saj dhe parlamenti të tijin, për këtë arsye ne duhet të sigurojmë ndarjen e funksionit dhe kontrollit”- tha Tabaku.

LEXONI GJITHASHTU: 

• Vrasja me thikë e të riut në Fier, policia arreston dhe një 17-vjeçar
• “Lufta e Tretë ka filluar”, paralajmërimi i zyrtares ukrainase