Tabaku pas mbledhjes së kryesisë: Vendimi i njëanshëm, nuk i shërben bashkimit të PD

Jorida Tabakau ka dhënë dorëheqjen nga postet e saj partiake pasi sipas saj Kryesia e Partisë Demokratike, ditën e djeshme, 6 qershor, ka marrë vendime të nxituara e të njëanshme.

Në një deklaratë për mediat pas mbledhjes së kryesisë ajo  tha se Partia Demokratike nuk e ka luksin të përsërisë sërish të njëjtat gabime e ndaj ajo refuzoi të votonte dhe duke pasur parasysh gjithë situatën e krijuar ajo ka dhënë dorëheqjen nga pozicioni i saj si nënkryetare e PD.

“Faleminderit për durimin  dhe për pritjen e gjatë!

Kryesia e PD mbas një mbedhje 8 orë të gjatë vendosi për të vazhduar përpara me procesin e zgjedhjeve në parti.

Kërkesa ime dhe dëshira ka qenë e vetme dhe e thjeshtë, mos nxitohemi dhe t’I japim demokratëve një process të drejtë, real dhe që na nderon.

Të gjithë ishim dakord për faktin që PD duhet të riorganizohet por nuk gjetëm gjuhën e përbashkët për mënyrën se si duhet të riorganizohemi. I kërkova kryesisë të mos marrim vendim të nxituar, çdo vendim i njëanshëm thjesht do të zvogëlojë edhe më shumë partinë tonë dhe nuk do ta zmadhojë atë. Në kushtet që jemi ne nuk kemi luksin të përsërsim të njëjtat gabime!

Pyetja që sot duhet t’i bëjmë vetes është nëse duam një parti të kryetarit apo kryetar për partinë tonë? Ne duhet patjetër të hapim PD, duhet të përpiqemi mos bëjmë procese të njënashme, duhet të përfshijmë këdo.

Me vlerësimet maksimale për deputetët dhe kontributin e tyre, kolegjit të kryetarëve dhe kontributin e tyre dhe të gjithë ato që kanë qëndruar.

I premtova anëtarëve të kryesisë që do të qëndroj deri në fund, derisa mund të gjejmë një zgjidhje që i përfshin të gjithë në process. Të mos nxitohemi!

Pas vendimit të kryesisë për të vazhduar procesin zgjedhor, kërkova që të gjejmë një dakordësi për mënyrën si?! Në gjykimin tim veprimet e tilla të njëanshme si në të shkuarën kanë ndikuar në zvogëlimin e PD dhe kanë sjellë në një situatë si kjo e sotmja. Prandaj refuzova të votoj për një vendim që në mendimin tim na dëmton sot për mënyrën se si po merret dhe në kushtet në të cilat po merret!

Duke pasur parasysh gjithë situatën, vendosa që të tërhiqem edhe nga pozicioni i nënkryetares së PD!”-tha Jorida Tabaku.

LEXONI GJITHASHTU:

• Jorida Tabaku dorëhiqet nga postet partiake, ç’ndodhi në mbledhjen e Kryesisë së PD
• Kryesia e PD merr vendimin, caktohet data e zgjedhjes së kryetarit të ri