Tabaku: SPAK t’i hetojë 3 inceneratorët në një çështje

Deputetja e Partisë Demokratike, Jorida Tabaku kërkon nga Struktura e Posaçme Anti-Korrupsion (SPAK), që të bashkojë çështjet për inceneratorët e Tiranës, Fierit dhe Elbasanit në një të vetme, në mënyrë që të nisë një hetim i thelluar për çdo individ të përfshirë.

Sipas Tabakut, kryeministri Edi Rama ka përdorur si albi për ndërtimin e këtyre impianteve, një vendim të vitit 2014, ku pretendohej se ishte shpallur emergjenca mjedisore në Shqipëri.

Ajo shprehet se i ka bërë një kërkesë Ministrisë së Turzimit dhe Mjedisit për të marrë informacion në lidhje me këtë vendim. Sipas Tabakut, përgjigja ishte se një vendim i tillë nuk ekziston në protokollin e ministrisë.

Deputetja nënvizoi se Rama ka angazhuar të gjithë resurset qeveritare për atë që ajo e kondiseron si vjedhjen e shekullit me vlerë 430 mln euro.

Buxheti i shtetit paguan 90 mijë euro në ditë për inceneratorët ndërkohë që vendi është në krizë, thotë Tabaku.

LEXONI GJITHASHTU

• Lefter Koka merret sot në pyetje nga prokurorët e SPAK
• Ish-deputeti Bllako mohon akuzat para prokurorëve të SPAK