Takimi i Ramës me diasporën në Athinë, Mitsotakis: S’është ftuar, por nuk e ndalojmë

Kryeministri i Greqisë, Kyriakos Mitsotakis, ka komentuar vizitën që pritet të zhvillojë kryeministri Edi Rama në 12 maj në vendin fqinj.

Përmes një interviste për mediat vendase, Mitsotakis tha se Rama nuk është i ftuar i qeverisë greke, por po shkon atje për të biseduar me bashkatdhetarët shqiptarë.

“Është e drejtë e tij, një zgjedhje që më duket e panevojshme, prandaj thashë që është një zgjedhje e panevojshme. Ne kemi probleme me marrëdhëniet greko-shqiptare”, tha ai dhe shtoi se çështja e arrestimit të kryebashkiakut të zgjedhur të Himarës, Fredi Belerit është europiane, jo dypalëshe.

Megjithatë ai tha se nuk do të ndalojë tubimin që kryeministri Edi Rama do të zhvillojë në Greqi, por as nuk do të lehtësojë atë.

Po ashtu ai vuri në dukje se minoriteti grek në Shqipëri është i përfaqësuar në fletën europiane të partisë që ai drejton, Neo Demokracia, me dy kandidatë, siç sipas tij, janë edhe qytetarët myslimanë grekë, gjë që nuk ndodh në fletëvotimet e dy partive të tjera të mëdha greke.

LEXONI GJITHASHTU:

• Mediat greke: Pse Mitsotakis kandidoi Belerin për eurodeputet?
• Kandidat i Mitsotakis për Parlamentin Evropian, reagon Fredi Beleri