Të dielën nis vaksinimi masiv, Manastirliu inspekton kushtet e ruajtjes së vaksinave në ISHP

Ministrja e Shëndetësisë dhe Mbrojtjes Sociale, Ogerta Manatirliu, gjatë ditës së sotme ka inspektuar kushtet e ruajtjes së vaksinave kundër COVID-19 në Institutin e Shëndetit Publik.

Dje kanë mbërritur 192 mijë doza të vaksinës kineze “Sinovac”, ndërkohë që objektivi sipas Manastirliut është që të vaksinohen 500 mijë qytetarë deri në qershor.

Ministrja bëri me dije se nga e diela do të nisë vaksinimi masiv për grup-moshat mbi 70 vjeç, ndërsa vaksina ka filluar të shpërndahet që sot në të gjithë vendin.

“Nga dita e diel ne do të vijojmë vaksinimin masiv të grup-moshave +70 vjeç, duke organizuar gjithmonë punën me mjekët e familjes dhe qendrat shëndetësore kudo në vend. Ndërkohë që nga sot do të fillojë shpërndarja në të gjithë vendin”, u shpreh z. Manastirliu.