‘Të gjitha partitë janë infektuar për të mos dhënë informacion’, gazetarët tregojnë vështirësitë në punë

Vështirësia në marrjen e informacionit në institucionet e vendit, përshirë edhe partitë politike, është një nga shqetësimet kryesore të gazetarëve të terrenit.

Gazetari Juxhin Mustafaraj u shpreh për Euronews Albania se është e vështirë që një gazetar të marrë informacion të dorës së parë në institucionet e vendit, në Presidencë apo partitë politike.

“Të gjithë institucionet përfshirë edhe partitë opozitare e kanë centralizuar informacionin, edhe Presidenca”, u shpreh ai, teksa shtoi se nuk ka qenë e nevojshme krijimi i Agjencisë për Media dhe Informim, pasi do të sjellë informacion të kontrolluar.

E të njëjtit mendim është edhe gazetarja Klesiana Omeri, e cila tha se kjo agjenci cenon përditshmërinë e punës së tyre.

Ndërsa, gazetarja Danjela Maloku theksoi se është shqetësuese dhe alarm mënyra sesi do të procedohet më pas edhe puna e gazetarit.

“Informacioni do të jetë shumë herë më filtruar”, shtoi ajo.

Sakaq, gazetari Osman Stafa e quajti këtë agjenci një ministri të mirëfilltë propagande.

LEXONI GJITHASHTU:

• Agjencia për Media, Luçiano Boçi: Polici mediatike, do thërrasim në seancë dëgjimore përfaqësues nga Kryeministria
• ‘Agjencia për Mediat’ synon të kontrollojë informacionin, shpjegon eksperti
• Deputeti i PS-së: Agjencia për Media dhe Informim do kontrollojë pozitivisht të gjitha informacionet nga ministritë