“Të hetohet plotësisht dosja ‘Partizani'”, Avokati Ramaj: Mund të ketë surpriza

Avokati Redi Ramaj foli në lidhje me çështjen “Partizani”, ku në pranga ka rënë dhëndri i Sali Berishës Jamarbër Malltezi ndërsa ndaj liderit demokrat është caktuar masa “detyrim paraqitje” si dhe i është ndaluar dalja jashtë Shqipërisë.

Në një intervistë për Euronews Albania, avokati Redi Ramaj u shpreh se kjo çështje duhet të hetohet plotësisht.

Ai theksoi se SPAK mund t’ia kishte komunikuar akuzën drejtpërdrejt, duke theksuar se mund të ketë surpriza të tjera për këtë çështje.

“Problemi është i tillë. Përsa i përket lirive dhe të drejtave themelore të njeriut, neni ’73 i Kushtetuetës, flet qartë për heqjen e lirisë në çdo formë. Masa e sigurisë “detyrim paraqitje” e dhënë nga Gjykata për Berishën, bie ndesh në këndvështrimin tim. Në momentin që kemi një ligj më të lartë siç është Kushtetuta atëherë do i referohemi kësaj. Masa e sigurimit nuk ndalon hetimin.

Mund të ishte komunikuar dhe akuza drejtpërdrejt. Mund të kishim veprime të tjera të SPAK por ata kanë zgjehdhur për të marrë këtë masë sigurie. Kërkesa duhet të ishte paraqitur në Kuvend. Nëse ka thirrje për Berishën në Gjykatë është i detyruar të paraqitet”-tha Ramaj.

LEXONI GJITHASHTU: 

• “Hetimi fletërrufe”, Berisha: Asnjë provë që është shkelur ligji për privatizimin
• Kina kërkon armëpushim në Gaza: Gati të bëjmë gjithçka për t’i dhënë fund dhunës