Kryetari i Partisë Demokratike, Sali Berisha nuk e ka ftuar paraardhësin e tij, Lulzim Basha në protestën e nesërme që opozita do të zhvillojë në sheshin para Kryeministrisë.

Në një deklaratë për mediat nga selia blu, pyetur nga Euronews Albania, Berisha u shpreh se kushdo mund të vijë në protestë, përveç Lulzim Bashës.

Sipas tij, Basha duhet të sqarojë akuzat për financimn e PD-së me paratë ruse.

“Të gjithë mund të vijnë, përveç Lulzim Bashës, i cili duhet të sqarojë akuzën e tmerrshme që ka. Të tjerët janë anëtarë të grupit, anëtarë të Partisë Demokratike, nuk mund të më marrin leje mua ata, që të protestojnë kundër  qeverisë.

Lulzim Basha ka një akuzë të tmerrshme. Ka deklaruar që nuk është e vërtetë, por nuk ka dhënë asnjë fakt, asnjë provë dhe hetimi këtu nga selia po vazhdon. Mendoj që është shumë i detyruar, të zbardhë, të ketë burrëri, ose të shpallet i penduar i drejtësisë dhe fiton lehtësim, por të tregojë të vërtetën”, theksoi kryedemokrati.

LEXONI GJITHASHTU

• Berisha për Portin e Durrësit: Do e dërgojmë në GJK dhe do ngremë Komision Hetimor
• Berisha fton qytetarët në protestë: Të largojmë anti-shqiptarin Rama nga pushteti
• Kryemadhi: Shqiptarët i tradhtova unë e Basha, jo Berisha e Meta