“Të ndërtohet metroja, Lana të bëhet korsi emergjence”, propozimi i ekspertit

Mamir Hodo, ekspert për sigurinë rrugore tha për “Good morning Albanians” në Euronews Albania se është e rëndësishme të ndërtohet një metro në kryeqytet.

Sipas tij lumi Lana duhet të bëhet një korsi emergjence dhe rrjedhimisht të shmanget trafiku e të mundësohet kalimi më i shpejtë.

“Të gjitha planet që ka bashkia duhet të diskutohen më parë në komunitetin qytetar, pastaj të hidhen për miratim në këshillin bashkiak. Nuk di nëse zëri i një eksperti ka përfunduar në veshin e kryetarit të bashkisë apo instancave të tjera që mund të marrin vendime.

Një nga mënyrat se si mund të zhbllokohet kjo punë, unë e kam hedhur si ide që para 4-5 vitesh në media, të fillojë ndërtimi i metrosë së Tiranës. Nëse nuk fillon metroja e Tiranës ne shumë shpejt do të kalojmë në kolaps të trafikut sepse nuk ka hapësira të studiuara. Njëkohësisht mund të mendohet që edhe Lana të bëhet e aksesueshme,” – u shpreh Hodo.