Të paktën 11 të vrarë nga të shtënat gjatë stërvitjeve ushtarake ruse

Të paktën 11 persona u vranë dhe 15 të tjerë u plagosën në një terren stërvitor ushtarak në rajonin Belgorod të Rusisë.

Dy sulmues hapën zjarr ndaj një grupi vullnetarësh, tha ministria ruse e Mbrojtjes, më 15 tetor.

Ministria shtoi në deklaratë se të shtënat ndodhën ndërsa disa vullnetarë po trajnoheshin për të luftuar në Ukrainë, duke e quajtur incidentin një sulm terrorist, shkruan Radio Evropa e Lirë.

Ata thanë se dy vullnetarët që qëlluan mbi ushtarët e tjerë, u qëlluan për vdekje nga pala e kundërt.

Është ende e paqartë nëse vdekjet e tyre përfshihen në mesin e 11 të vdekurve të konfirmuar. Të dy ishin shtetas nga një ish-republikë sovjetike, deklaroi ministria, por nuk dha detaje të tjera.

LEXONI GJITHASHTU:

• Bjellorusia paralajmëron vendosjen e 9 mijë trupave ruse në kufi
• Rusia vazhdon sulmet ajrore në qytetet e Ukrainës
• Ukraina ofron 100 mijë dollarë për ish-agjentin rus, Igor Girkin