Të paktën 8 persona u vranë në bombardimin e shtëpisë së një gazetari palestinez

Të paktën tetë persona u vranë dhe të tjerë u plagosën kur ushtria izraelite bombardoi shtëpinë e gazetarit Osama el-Arbid në zonën As-Saftavi në veri të Gazës këtë mëngjes, raporton Al Jazeera.

El-Arbid thuhet se i mbijetoi sulmit dhe një video e tregon atë duke u nxjerrë nga rrënojat e shtëpisë.

Sipas burimeve shëndetësore të Al Jazeera-s, të paktën 15 persona janë vrarë në sulmet izraelite që nga orët e para të mëngjesit në të gjithë Gazën.

Tre palestinezë u vranë në Gaza pasi ushtria izraelite hapi zjarr ndaj një turme njerëzish në një pikë shpërndarjeje të ndihmës humanitare të ngritur nga një organizatë e mbështetur nga Izraeli dhe SHBA-të, raportoi Al Jazeera.

Në një incident vdekjeprurës në qytetin jugor të Rafah të martën, 46 persona u plagosën dhe shtatë të tjerë rezultojnë të zhdukur, sipas një deklarate nga autoritetet e Gazës.

LEXONI GJITHASHTU:

• Numri i të vdekurve në Gaza kalon 54,000 që nga nisja e luftës
• Grupi i ri i mbështetur nga SHBA dhe Izraeli fillon shpërndarjen e ndihmave në Gaza