Të shtëna me armë në Durrës, plagoset 24-vjeçari (Emri)

Një ngjarje e rëndë është shënuar mbrëmjen e kësaj të marte në Durrës.  24 vjeçari Eduart Buçeza është plagosur me armë zjarri. Ngjarja ka ndodhur në afërsi të banesës së tij në Shënavlash.

Njoftimi i policisë:

Në Spitalin Rajonal Durrës, ka shkuar për ndihmë mjeksore, i plagosur në këmbë me armë zjarri në afërsi të banesës, në rrethana ende të paqarta, shtetasi E.B, 24 vjeç, banues në Shënavlash.

Në vendngjarje kanë shkuar forca të shumta të Policisë dhe drejtuesit e Drejtorisë Vendore të Policisë Durrës.

Shërbimet e Policisë kanë ngritur pika kontrolli dhe vijojnë kontrollin e zonës.

Grupi hetimor nën drejtimin e Prokurorit të gatshëm vijon punën për sqarimin e rrethanave, identifikimin dhe kapjen e autorit/ve.