Të shtëna me armë zjarri në Roskovec, raportohet për dy viktima

Të shtëna me armë zjarri janë raportuar pasditen e kësaj të marte në qytetin e Roskovecit. Nga informacionet paraprake raportohet për dy viktima.

Ngjarja e rëndë ka ndodhur në fshatin Kurjan, ndërkohë që burime bëjnë me dije se autori i dyshuar është identifikuar si Altin Kuka.

Ai është vetëdorëzuar në komisariat pas ngjarjes së rëndë, së bashku me armën e krimit.

Vladimir Kurtaj dhe Gramoz Kurtaj, xhaxha e nip, dyshohet se janë viktimat e vrasjes së dyfishtë.

Dyshohet se konflikti mes autorit dhe viktimave ka ndodhur pas një debati për motive të dobëta mes djalit të autorit dhe viktimave.

“Rreth orës 14:00, në fshatin Kurjan, dyshohet se shtetasi A. K., 49 vjeç, ka vrarë me armë zjarri, shtetasit L. K. dhe G. K.

Shtetasi A. K. është shoqëruar në Komisariat, për kryerjen e veprimeve procedurale. Arma e zjarrit është sekuestruar në cilësinë e provës materiale. Grupi hetimor po punon për sqarimin e plotë të rrethanave të rastit”, thuhet në reagimin e policisë.

LEXONI GJITHASHTU:

• Të shtëna me armë zjarri në Shkodër, raportohet për 1 viktimë
• Kush është viktima e atentatit në Shkodër, ngjarja e bujshme që u përfshi në Rumani