Analisti Andi Tela ishte këtë të mërkurë i ftuar në “Barometri” në Euronews Albania ku ka komentuar matjet e fundit të bëra nga Barometri.
Tela tha se sondazhet e Barometrit tregojnë se numri i të pavendosurve është më i lartë në Tiranë, sipas tij në kryeqytet është ulur mbështetja ndaj dy partive kryesore, kjo sipas tij mund të bëjë që partitë e vogla të arrijnë të marrin mandate në këtë qark.
“Në faqen e 12. Ne kemi një elektorat që ka 12 vite që shikon një parti në pushtet që shoqërohet me korrupsion dhe pakënaqësi. Në sondazhin e parë kemi thënë që 70% e publikut konstaton se problemet më të mëdha janë çmimet e larta, kostot e jetesës dhe korrupsioni. Kemi pakënaqësi totale. Te faqja 12 shikojmë se numri i të pavendosurve është më i madh në Tiranë se në pjesën tjetër të Shqipërisë.
Kemi ulje të dy partive kryesore dhe këtu shpjegojmë rritjen e partive të vogla. Publiku prej vitesh kërkon që të dalë një forcë tjetër politike që të thyej fuqinë e dy forcave të mëdha. Pavarësisht se shifrat janë të ulëta, janë shpresëdhënëse, në kuptimin që Tirana mund të jetë i vetmi qark ku partitë e reja mund të prodhojnë mandate, në qarqet e tjera është shumë e vështirë për shkak të ligjit elektoral që ato të mund të prodhojnë mandate”,-tha analisti Tela.
LEXONI GJITHASHTU:
- Barometri: Nëse zgjedhjet mbahen sot, për kë do votonin qytetarët e Tiranës?
- Parashikimi në Qarkun Tiranë për zgjedhjet, cila parti do fitojë sipas qytetarëve?
