Temperatura të larta dhe kthjellime, parashikimi i motit për javën

Akil Osmani nga metoalb tregoi për emisionin “Good Morning Albanians”, në Euronews Albania se si do të jetë parashikimi i motit për javën.

Ai theksoi se jo vetëm dita e sotme por e gjithë kjo javë parashikohet që të ketë temperatura të larta.

“Në fundjavë parashikohet të sjellë një rritje akoma të temperaturave duke bërë që të kalojë lehtësisht dhe 20 gradë celsius”- theksoi ai.

Më tej nënvizoi se gjatë javës do të rriten dhe temperaturat e ajrit në zonat malore nga 1 gradë celsius në 5 gradë.

Përsa i përket kushteve të motit, do të kemi  orë të shumta me diell deri ditën e premte.

Gjatë fundjavës do të ketë vranësira, por gjatë natës do të ketë dhe reshje shiu.

“Këtë javë do të ketë dominim kthjellimesh dhe temperatura të larta”- përfundoi ai.

LEXONI GJITHASHTU: 

• Studim i ri, ndotja e tymit të makinave dëmton trurin në vetëm pak orë
• 322 autoshkolla janë me letra në Shqipëri, po informale sa mund të ketë?