Tenisti spanjoll Alcaraz në çerekfinalet e Indian Wells Open, sfidohet nga Cerundolo

Tenisti spanjoll Carlos Alcaraz ka hedhur një tjetër hap drejt trofeut të Indian Wells Open, kompeticion në të cilin mbetet favorit kryesor.

Ai mposhti Grigor Dimitrov në fazën e eliminimit direkt dhe është gjithnjë e më pranë fitimit të trofeut. 21-vjeçari arriti të fitojë në të dy setet me shifrat 6-1, 6-1, duke hedhur një hap të sigurt më tej.

Në ndeshjen çerekfinale që do të zhvillohet të premten, Alcaraz përballet me argjentinasin Cerundolo, që po ashtu po bën mjaft mirë në këtë kompeticion.

Cerundolo befasoi me fitoren ndaj De Minaur, të cilin e mposhti në të dy setet, 7-5 dhe 6-3, një fitore që i jep më shumë besim për vazhdimësinë.

Fatkeqësisht, kundërshtari i tij i radhës është spanjolli, njëkohësisht favorit kryesor për trofeun, në një garë ku mungon edhe italiani Jannik Sinner për shkak të pezullimit.

Një tjetër duel interesant është ai mes rusit Medvedev dhe francezit Fils. Pasi mposhti Paul, Medvedev do të përballet në çerekfinale me Fils.

Numri 6 në botë cilësohet favorit në letër për kalimin më tej, megjithëse nuk përjashtohen surprizat.

LEXONI GJITHASHTU:

• Roko Vata zgjedh Irlandën, thirret për dy ndeshjet e marsit
• Sinner pezullohet 3 muaj nga tenisi, italiani rezultoi pozitiv në testet e doping