Tensione në Parlament, opozita bllokon foltoren, deputeti i PD shkul mikrofonin

Deputetët e opozitës bllokuan foltoren gjatë seancë së sotme në Kuvendin e Shqipërisë në momentin që fjalën e ka marrë Taulant Balla.

Debati ka nisur për procedurë por opozita refuzoi që Taulant Balla të flasë para deputetëve opozitarë.

Në një moment të përplasjes deputeti i PD Petrit Doda është parë të shkulë mikrofonin dhe ka tentuar të godasë Ballën.

Pranë foltores kanë shkuar edhe punonjësit e Gardës të cilët janë përpjekur të qetësojnë situatën.

Më pas seanca vijoi me një tjetër përplasje mes ministrit Taulant Balla dhe deputetit të Partisë Demokratike, Flamur Noka. Ky i fundit u përjashtua nga seanca nga kryeparlajmentarja Elisa Spiropali pasi tentoi të godiste Ballën. Ai u ndalua nga punonjësit e gardës ndërsa në pas arriti të hidhte një shishe në drejtim të Ballës.

LEXONI GJITHASHTU:

• 6 orë seancë në GJKKO për Veliajn dhe Xoxën, gjyqtari tërhiqet për vendim
• Erion Veliaj mbërrin në paraburgimin e Durrësit