Tensione për targat në Kosovë? Analisti: Nuk dihet porosia e amerikanëve ndaj Kurtit

Profesori i Shkencave Politike në Kosovë, Nexhmedin Spahiu u shpreh në një intervistë për Euronews Albania se Albin Kurti dhe Aleksandër Vuçiç po përpiqen gjatë bisedimeve në Bruksel që “të rrisin apo të ulin pazarin” për çështjen e targave.

Analisti nënvizoi se dy krerët e shteteve përpiqen që të mbrojnë interesat e tyre.

“Këto lëvizje të terren siç është puna e targave nga ana e Vuçiç dhe nga ana e Kurtit janë tendenca për ta ulur apo ngritur pazarin”, u shpreh ai.

Sa i përket qëndrimit të kryeministrit Albin Kurti për targat, ai nënvizoi se nuk dihet se çfarë porosie i kanë dhënë amerikanët.

“Nuk dimë mesazhin që i është dhënë Albin Kurtit nga ana e amerikanëve. Dimë se çfarë kanë thënë publikisht Escobar dhe ambasadori amerikan, por nuk e dimë nëse atij i është thënë që të vazhdojnë me qëndrimin e tij.

Serbët insistojnë t’i mbajnë targat me regjistrime të qyteteve të Kosovës por me simbole të Serbisë, për të treguar botërisht se Veriut i Kosovës, është një pjesë tjetër e Serbisë, u shpreh analisti.

LEXONI GJITHASHTU:

• BE: Po punojmë për të gjetur marrëveshje për targat
• Banesa në SHBA përfshihet nga flakët, 8 të vdekur, mes tyre 6 fëmijë
• Mund të ketë një takim Erdogan-Kurti-Vuçiç, thotë këshilltari i presidentit turk