Tensionet në Kryesinë e PD-së, reagon Lulzim Basha

Ish-kreu i PD-së Lulzim Basha ka reaguar pas debateve të ditës së djeshme në Kryesinë e PD-së, ku për pasojë deputetja Jorida Tabaku dha dorëheqjen si nënkryetare e partisë ndërsa Ori Nebiaj dhe Flamur Hoxha u larguan nga kryesia e kësaj force politike .

Në një postim që ka bërë në rrjetet sociale, Basha shkruan se fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike.

Më tej ai theksoi se dënon me forcë çdo përpjekje për tensionim që ushqen kulturën e vjetër politike të baltës dhe shantazhit

“Fryma e debatit konstruktiv me të cilën Kryesia e PD debatoi për më shumë se 8 orë për gjetjen e rrugës më të mirë në funksion të riorganizimit të PD, është shenjë e qartë e një reflektimi të thellë që ka nisur brenda familjes tonë politike.

Nuk ka gjë më demokratike se mendimet e ndryshme në një forum politik. Debatet dhe mendimi ndryshe duhen respektuar nga të gjjthë. Vlerat demokratike që na drejtojnë në këtë rrugëtim të vështirë për ne demokratët nuk mund të cënohen nga asnjë individ.

Refuzoj dhe dënoj me forcë çdo përpjekje për tensionim që ushqen kulturën e vjetër politike të baltës dhe shantazhit me të cilën jemi ndarë njëherë e mirë dhe që duhet lënë pas”- tha ai.

LEXONI GJITHASHTU: 

• Nga masat për Kosovën te sanksionet për Kurtin, Euronews siguron dokumentin e SHBA
• “Kosova të mos humbasë aleatët”, diplomati: S’duhet të bëhemi pre e provokimeve