Tensionet në veri, analisti: Ish-policët serbë janë kthyer në mercenarë të Vuçiç

Analisti Artan Berhani u shpreh në një intervistë për Euronews Albania se ish-policët serbë, të cilët dhanë dorëheqjen në Kosovë, tashmë janë kthyer në mercenarë të Aleksandër Vuçiç.

Teksa komentoi tensionet e fundit në veri të Kosovës, Berhani tha se pritet që të ndërhyjë KFOR për lirimin e rrugëve.

“Ish-policët serbë të Kosovës tashmë janë shndërruar në mercenarë të Aleksandër Vuçiç dhe janë nën kontroll të plotë të tij. Rrugët edhe më tutje janë të bllokuara, por kemi një zotim nga KFOR që do të marrë përsipër negociatat dhe largimin e tyre. Për momentin  edhe serbët vetë janë të bllokuar”, u shpreh ai.

Aktualisht rrugët që të çojnë në pikat kufitare në Jarinjë dhe Bërnjak vijojnë të jetë të bllokuara nga makina të tonazhit të rëndë ose autobusë.

Ndërkohë, edhe akset rrugore në Rudar vijojnë të jetë të bllokuara.

LEXONI GJITHASHTU:

• Shpërthim me eksploziv në një dyqan në zonën e Komunës së Parisit
• Rrugë të bllokuara dhe të shtëna me armë, çfarë po ndodh në veri të Kosovës
• Zyrtarët e lartë të SHBA sot në Kosovë