Tensionet Rusi-Ukrainë rrezikojnë furnizimin me miell, thotë eksperti

Çmimi i miellit dhe i grurit ka filluar të rritet në bursë, duke rrezikuar shtrenjtimin e bukës. Këtë deklaratë bëri Arben Shkodra, përfaqësuesi i Shoqatës së Prodhuesve.

Ai nënvizoi për “Mirëmëngjes” në Euronews Albania se një përshkallëzim i konfliktit mes Ukrainës dhe Rusisë, do të krijonte probleme në furnizimin me drithëra.

“Ka filluar të rritet në bursë çmimi i grurit dhe miellit. Ka pasur më pak prodhim, je në pikun ku gruri dhe mielli kërkohet shumë. Nga ana tjetër është fundi i depozitimeve. Rusia është vendi i parë në botë sa i përket eksportit të drithërave, Ukraina është i treti. Ku hynë në konflikt, prek të mbjellat, transportin e tyre”, u shpreh z. Shkodra.

Ai tha se në Shqipëri nuk ka rezerva të drithërave dhe kjo situatë do të ndikonte drejtpërdrejt tek ne. Sipas tij Shqipëria ka një varësi shumë më të lartë për drithëra sesa për perime.

LEXONI GJITHASHTU:

• Çmimi i bukës ndryshon sipas zonave në Tiranë