Tentoi ta qëllonte në arterien kyçe, si egjiptiani u pagua të vriste në burg Kalemin

Të tjera detaje kanë dalë mbi plagosjen e 52-vjeçarit shqiptar Andrea Kalemi në burgun e Korydallos në Greqi.

Sipas burimeve nga mediat greke, një shtetas egjiptian i paguar shkoi për të prerë arterien karotide të Andrea Kalemi me bisturi brenda burgut.

Po ashtu mësohet se në gushtin e kaluar në Paxos, Kalemi u qëllua me dhjetë plumba nga një vrasës me pagesë, por arriti të mbijetonte pas disa ditësh shtrimi në spitalin e Janinës.

Atentati ndaj Kalemit ndodhi natën e 9 gushtit 2023 në Paxos, teksa ishte me pushime me tre fëmijët dhe gruan e tij. Kapuku e qëlloi dhjetë herë dhe 52-vjeçari i plagosur rëndë u transportua me skaf në bregdetin e Epirit dhe prej andej në Spitali i Janinës, ku mjekët i shpëtuan jetën. Prita është bërë për të larë hesapet. Vrasësi shqiptar i arratisur dyshohet se ka shkuar në Paxos nga Italia fqinje si “i dërguar special” i mafies shqiptare.

Kalemi është kushëri i parë i Aleksdandër Sadikajt, i cili u vra në një atentat mafioz me shpërthim të telekomanduar në Tiranë.

Dyshohet se pas ekzekutimit të Sadikaj, Kalemi mund të ketë gisht në organizmin e vrasjes së biznesmenit Edmond Papa nga Saranda, në shenjë hakmarrje për të afërmin e tyre.

Pas vrasjes së biznesmenit, në një hark kohor prej disa muajsh, Kalemit i janë bërë dy atentate për ta eliminuar fizikisht.

Në muajin gusht ai u qëllua me breshëri plumbash në ishullin e Paksos, ku kishte shkuar me pushime për familjen, por mundi t’i shpëtonte mrekullisht vdekjes pasi u plagos rëndë.

LEXONI GJITHASHTU:

• I shpëtoi atentatit, tentohet të vritet në burg Andrea Kalemi, i afërm i Sadikajt
• Autori mund të ketë qenë me skaf, detaje nga atentati i Andrea Kalemit në Greqi