Një grua e moshës 50-vjeçare, është proceduar penalisht në gjendje të lirë nga policia kufitare në Kakavijë, pasi tentoi të dilte nga Shqipëria, me 41 000 euro të padeklaruara.

Shuma e parave u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

“Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në PKK Kakavijë, në dalje të Shqipërisë, u krye kontroll në çantën e shtetases Zh. D.,  ku u gjetën 41 000 euro, të cilat kjo shtetase nuk i kishte deklaruar konform ligjit.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasen Zh. D., 50 vjeçe, banuese në Greqi. Gjithashtu, u sekuestrua në cilësinë e provës materiale, shuma e eurove”, njofton policia.

LEXONI GJITHASHTU:

• Tentoi të dilte nga Shqipëria me 29 850 euro të padeklaruara, procedohet 43-vjeçari
• Rrumbullaku: Arrestohen Julian Meçe dhe Plarent Dervishaj, erdhën nga Emiratet Arabe