Tërheqja e ankimit për statutin, Berisha: Alibeaj pranoi Kuvendin e 11 Dhjetorit

Kryetari i Partisë Demokratike, Sali Berisha deklaroi se tërheqja nga ankimi për statutin e kësaj force politike, tregon se Enkelejd Alibeaj, de facto pranoi Kuvendin e 11 Dhjetorit.

Në një deklaratë për mediat, Berisha u shpreh se Alibeaj zbaton urdhrat e kryeministrit Edi Rama.

Sipas tij, Rama ka marrë peng gjykatën dhe nuk lejon regjistrimin e statutit të dalë nga Kuvendi i 11 Dhjetorit.

“Rama ka marrë peng gjykatën dhe nuk lejon regjistrimin. Alibasha, në asnjë vend të botës, përveç në drejtësinë e Edi Ramës, nuk mund të bëhet palë në një proces që nuk ka qenë palë. Kjo ndodh për herë të parë në historinë e botës. Është absolutisht i pavlerë. Alibasha ka të drejtë, ai dhe çdo qytetar, të shkojë në gjykatën e faktit, dhe për çdo objeksion apo provë, të hapë një proces të ri, por jo të bëhet palë.

Kjo ndodh në drejtësinë qesharake të Ramës, që vepron si në diktaturë, që pengon regjistrimin që është automatik dhe i padiskutueshëm të vendimit të gjykatës për Kuvendin e 11 dhjetorit. Duke u tërhequr nga Kuvendi i 18 dhjetorit, Alibasha de facto pranoi Kuvendin e 11 dhjetorit. Por ai zbaton urdhrat e Edi Ramës. Ata janë të pavlerë, që keqpërdoren nga një njeri që nuk ka asnjë parim, nuk respekton asnjë parim, asnjë ligj, asnjë normë”, theksoi kryedemokrati.

LEXONI GJITHASHTU

• Mandati i Olta Xhaçkës, Berisha thirrje Kushtetueses: Gjykoni me paanësi
• PD tërhiqet nga gjyqi për statutin, Sefa: I hap rrugë vendimmarrjes për vulën

• Alibeaj tërhoqi ankimin, gjykata vendos pushimin e çështjes për statutin e PD-së