Test me vezën në studio, profesori: Ka 4-5 ditë që e ka bërë pula

Abdyl Sinani, ekspert i sigurisë ushqimore tregoi në emisionin Good Morning Albanians në Euronews Albania se për të kuptuar nëse veza është e freskët mund të bëhet një provë e thjeshtë në kushte shtëpie.

Veza futet në një enë me ujë dhe nëse zhytet në fund tregon se ka 4-5 ditë që ka dalë, nëse noton ka 7-8 ditë, po të rrijë sipër e ka kaluar afatin e konsumimit.

“Për ta provuar, kjo vezë sa ditë ka që ka dalë? Shkoi në fund të ujit, presim. Ka 4-5 ditë që ka dalë nga pula, është në fund të gotës, po të notojë ka 7-8 ditë, po të rrijë sipër e ka kaluar afatin. Nëse çajmë vezën dhe e bardha me të verdhën qëndrojnë bashkë, nuk hapen tregon se është e freskët. Nëse ka kaluar koha mbi 25 ditë ato ndahen. Kur e marrim vezën nga marketi gjëja e parë që duhet të bëjmë është të shohim a është në 4 gradë. Nëse vezët mbahen në raft jo në temperaturën 4 gradë e poshtë është shkelje”, shpjegoi eksperti.

LEXONI GJITHASHTU:

• Hani 1 deri në 2 vezë të ziera në ditë, ja përfitimet
• Eksperti ushqimor: Kujdes nga salmonela, lajini vezët e fshatit para përdorimit