“Teste doping i kisha filluar që 12-vjeç”, flet për Euronews peshëngritësi 23-vjeçar

Kristi Ramadani i dhuroi Shqipërisë dy medalje argjendi në Europianin e Peshëngritjes së mbajtur në Bullgari disa javë më parë.

Rezultati i sportistit është ‘certifikuar’ edhe nga Agjencia Ndërkombëtare e Testimit për Doping, ku shqiptari ka rezultuar negativ.

Ramadani, ishte i ftuar në emisionin “Good Morning Albanians” në Euroneës Albania, ku u shpreh se nuk ishte testi i parë që kishte bërë, duke shtuar se testet për doping i kishte filluar që në moshën 12-vjeç. Mes tjerash ai shtoi se ishte shumë i sigurt tek vetja.

“Nuk ishte testi i parë që unë kam bërë. Kam bërë dhe teste të tjera. Kam nisur testet për anti-doping që në moshën 12 vjeç. Të them që nuk më erdhi keq që nuk folën nuk e them dot, por ama kam qenë shumë i sigurt në veten time dhe kam shijuar suksesin. S’kam pasur asnjë lloj problem”-tha ai.

LEXONI GJITHASHTU: 

• Sulmi në Banjskë, DASH: Radoiçiçi është kriminel që duhet të mbahet përgjegjës
• Gjendet 13-vjeçarja e raportuar e humbur, dyshohet se u abuzua nga 2 burra në Kosovë