Thirret konferenca e kryetarëve, rinis ditën e enjte Parlamenti

E enjtja e fundit e majit kthen në parlament deputetët. Pas javësh “pushim” për shkak të zgjedhjeve, disa prej socialistëve e demokratëve kthehen si fitues e disa të tjerë si humbës.

Deri në korrik-un e mbylljes së legjislaturës së X, një ndër çështjet që parashikon kalendari zyrtar është raportimi vjetor i institucioneve të pavaruara përfshirë edhe të drejtësisë.

Para se deputetët të kthehen në kuvend, kryeparlamentarja Elisa Spiropali ka thirrur konferëncën e kryetarëve. Dy çështjet në diskutim janë projektprogrami për javët e mbetura të parlamentit dhe ecuria e zbatimit të planit të veprimit të kuvendit për zbatimin e rekomandimeve të Komisionit Evropian për periudhën janar-mars 2025.

Edhe pse rendi i ditës nuk përmban asnjë diskutim të rëndësishëm, është e pritshme që opozita të shfrytëzojë foltoren për të të bërë denoncimet e saj për rezultatin që prodhoi gara e 11 majit dhe për të cilën ajo pretendon se ishtë një farsë elektorale.

Pas 4 muajsh, në shtator, depuetët nga të dyja kampet do t’i lenë vendin emrave të rinj. Zgjedhjet e 11 majit lanë jashtë parlamentit shumë deputetë të karrierës dhe kryesisht nga Partia Socialiste. Për grupin parlamentar të Partisë Demokratike ndryshimet janë më të pakta në emra por jo në numra.

LEXONI GJITHASHTU:

• Maqedonia e Veriut josh të rinjtë: 100 mijë € për çiftet që zgjedhin jetën në fshat
• Verifikim 400 makinave luksoze, Tatimet: Janë blerë me të ardhura të padeklaruara