Thirrjet antishqiptare në prani të Mickoskit, Bushati: E papranueshme heshtja

Ish-ministri i Jashtëm, Ditmir Bushati, ka reaguar për thirrjet raciste kundër shqiptarëve gjatë një ndeshjeje basketbolli në Maqedoninë e Veriut, thirrje që u bënë në praninë e kryeministrit të Maqedonisë së Veriut, Hristijan Mickoski

Përmes një postimi në X Bushati shprehet se këto thirrje nuk janë vetëm fyese, por përbëjnë një kërcënim për bashkëjetesën demokratike dhe barazisë mes maqedonasve dhe shqiptarëve.

Bushati shkroi edhe për heshtjen e krerëve të lartë shqiptarë në Maqedoninë e Veriut.

What happened in #Kumanovo 🇲🇰 during the basketball match was a display of ethnic hatred. Chants “Good Albanian, dead Albanian” and “Gas chambers for Albanians” aren’t just offensive. They are dangerous. Silence from officials who witnessed this “hall of shame” is unacceptable!

— Ditmir Bushati (@ditmirbushati) August 3, 2025

“Ajo që ndodhi gjatë ndeshjes së basketbollit në #Kumanovë ishte një manifestim i qartë i urrejtjes etnike. Thirrjet “Shqiptar i mirë, shqiptar i vdekur” dhe “Dhoma gazi për shqiptarët” nuk janë vetëm fyese, por përbëjnë një kërcënim serioz për bashkëjetesën demokratike dhe barazinë mes maqedonasve dhe shqiptarëve si dy komunitete shtetndërtuese në Maqedoninë e Veriut. Për më tepër, heshtja e zyrtarëve të lartë që ishin dëshmitarë të kësaj “galerie turpi” është e papranueshme. Dëshmi e faktit se nuk kanë nxjerrë mësimet e duhura nga ngjarjet e hidhura të së kaluarës”, ka shkruar ai.

LEXONI GJITHASHTU:

• Koret antishqiptare, reagon ambasadori i Shqipërisë në RMV: Alarm për të gjithë
• Thirrjet antishqiptare gjatë ndeshjes së basketbollit në Kumanovë, reagon Spiropali