Tifozi: Moldavia skuadër që të hap probleme, por Shqipëria është favorite

Presidenti i “Napoli Club Albania”, Geri Kusi, është shprehur se Kombëtarja shqiptare është më e favorizuar në ndeshjen që do të zhvillohet ditën e sotme në Moldave, për eleminatoret e “Euro 2024”.

Komentet Kusi i bëri në emisionin “Good Morning Albanianas” në Euronews, ku tha se Moldavia nuk duhet nënvlerësuar, pasi është një ekip që të hap probleme dhe shtoi se gjatë ndeshjes së zhvilluar në Shqipëri, ishin “2 tre-pikëshat” e Asanit që i dhanë fitoren Shqipërisë.

Ai tha gjithashtu se biletat për ndeshjen e sotme me Moldavinë janë shitur të gjitha.

“Moldavia është një skuadër shumë e fortë dhe ka lojtar që kanë mentalitet fituesi. Është skuadër që të hap probleme. Edhe kur patëm ndeshjen këtu, ishin ato 2 trepikëshat me dorë të Asanit, që ishin fantastik.

Edhe pse ndeshja sot do të luhet në Moldavi, unë shoh kombëtaren tonë shumë më të avantazhuar. Biletat janë mbaruar. Tani është ndeshja me ishujt Faroe, ndoshta për aty mund të ketë bileta. Jam i bindur se do të ketë më shumë njerëz se me Çekinë. Në lokale e kudo do të ketë fanella kuqezi”, u shpreh Kusi.

LEXONI GJITHASHTU:

• Arian Çani: Shqipëria dhe Greqia nuk kanë më asnjë marrëdhënie
• Bllokada greke, Çani: Historia e vetove të Greqisë dhe skenari që rrezikon Shqipëria