Një aksident në punë ka ndodhur në një kantier ndërtimi në Tiranë, ku një 61-vjeçar ka rënë nga skela.

Ngjarja ndodhi gjatë rikonstruktimit të një objekti, dhe si pasojë e rënies, punonjësi i firmës, shtetasi Z. V., u dërgua me urgjencë në spital për mjekim të specializuar dhe ndodhet aktualisht nën kujdesin e mjekëve.

“Specialistët për Hetimin e Krimeve të Komisariatit të Policisë Nr. 4 arrestuan shtetasin E. E., 40 vjeç, si dhe referuan materialet në Prokurori, ku nisi procedimi në gjendje të lirë për shtetasen D. L., 71 vjeçe, përkatësisht me detyrë administrator dhe përgjegjese e një grupi pune, në një firmë ndërtimi, pasi dyshohet se për shkak të shkeljes së rregullave të mbrojtjes në punë, ka rënë nga skela, gjatë rikonstruktimit të një objekti, punonjësi i firmës, shtetasi Z. V., 61 vjeç. Si pasojë, 61-vjeçari është transportuar në spital, ku është në kujdesin e mjekëve”, thuhet në njoftimin e policisë.

LEXONI GJITHASHTU:

• Reagon babai i 3-vjeçarit që humbi jetën në Shkodër: Mediat të jenë më të kujdesshme
• Reagon babai i 3-vjeçarit që humbi jetën në Shkodër: Mediat të jenë më të kujdesshme