Tjetër video e dhunshme mes adoleshentëve, vajzat qëllohen me grushte në fytyrë

Një rast tjetër i dhunës mes adoleshentëve është regjistruar në Bathore.

Një video që po qarkullon në rrjetet sociale tregon dy vajza të cilat godasin njëra-tjetrën dhe kapen nga flokët, ndërsa disa bashkëmoshatarë po i filmojnë.

Ndryshe nga rasti i para pak ditëve që disa vajza të shkollës “Kongresi i Manastirit” u rrahën, në këtë rast një djalë ka ndërhyrë për t’i ndarë.

Vajza e ministrit Niko Peleshi, Aleksia, e ka marrë sërish këtë video nëpërmjet mesazheve në rrjetin e saj social, Instagram, por ka zgjedhur të mos e publikojë.

Sipas mesazhit që Peleshi ka nxjerrë bëhet fjalë për vajza të klasës së gjashtë në shkollën “Ibrahim Basha”.

LEXONI GJITHASHTU:

• Adoleshentët e dhunshëm, psikologët tregojnë faktorët ndikues
• Dhunë në stadiumet shqiptare, 3 episode vetëm fundjavën e shkuar