Tjetërsimi i 7500 metrave tokë, Gjykata jep masat e sigurisë për 4 të arrestuarit

Gjykata ka lënë në burg ish-kreun e komunës së Bërxullës, Ymer Marku dhe shtetasit Agim Loci dhe Kujtim Allmeta, për përvetësimin e 7500 metrave tokë përmes procedurave ilegale.

Masa e sigurisë ka ndryshuar vetëm për Kujtim Balliun, për shkaqe familjare, për të cilin Gjykata ndryshoi masën e sigurisë nga “arrest në burg” në “arrest shtëpie”.

Ish-zyrtarët akuzohen për kryerjen e veprës penale “Shpërdorimi i detyrës”, ndërsa shtetasi me inicialet K.A., për veprën penale “Falsifikimi dokumentave”, dhe veprën “Pastrimi i produkteve të veprës penale” e parashikuar nga neni 287 të K.Penal.

Por kush janë konkretisht personat për të cilët Gjykata vendosi “arrest me burg”:

1-Ymer Gjergjio Marku i datëlindjes 13.04.1968 lindur dhe banues në Tirane, me detyre ish-Kryetar i Komunës Berxullë.

2-Kujtim Sulejman Balliu i datëlindjes 14.06.1958 lindur dhe banues në Tiranë. Me detyrë ish-përgjegjës i Zyrës së Mbrojtjes dhe Menaxhimit të Tokës, Komuna Berxullë.

3-Agim Sinan Loci i datëlindjes 13.05.1971 lindur dhe banues ne Tiranë, ish-kryeplak i fshatit Bërxullë.

4- Kujtim Osman Allmeta i datëlindjes 25.05.1964 lindur dhe banues në Tiranë.

Veprat penale për të cilat ata akuzohen janë të parashikuara në nenet 248, 186/2 dhe 287 të Kodit Penal.

Me cilësinë e provës materiale u sekuestruan një sipërfaqe toke prej 7500 metra katrorë në fahatin Berxulle –Tiranë.

LEXONI GJITHASHTU:

• Tjetërsuan 7500 m2 tokë në Bërxullë, arrest me burg për 3 zyrtarë dhe 1 qytetar
• Tjetërsimi i 7500m2 tokë, kush është ish-kryetari i Komunës dhe zyrtarët e arrestuar