Tjetërsuan 7500 m2 tokë në Bërxullë, arrest me burg për 3 zyrtarë dhe 1 qytetar

Specialistët e Sektorit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme të Operacioneve Speciale dhe Kërkimit dhe Komisariatin e Policisë Nr. 7, kanë ekzekutuar masën e sigurisë “arrest në burg” të caktuar nga Gjykata e Shkallës së Parë e Juridiksionit të Përgjithshëm Tiranë, për veprat penale “Shpërdorimi i detyrës” dhe “Falsifikimi i dokumenteve” për 4 persona.

Bëhet fjalë për ish-zyrtarët Ymer Marku, Kujtim Balliu, Agim Loci, banues në Vorë dhe shtetasin Kujtim Allmeta, banues në Kombinat.

Nga verifikimet e kryera ka rezultuar se këta shtetas, në bashkëpunim me njëri-tjetrin, duke shpërdoruar detyrën, kanë falsifikuar dokumentet e një sipërfaqeje toke, në fshatin Bërxullë.

Gjithashtu, në kuadër të operacionit, është sekuestruar një sipërfaqe toke 7500 m2, në fshatin Bërxullë, bashkia Vorë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Tjetërsimi i 7500m2 tokë, kush është ish-kryetari i Komunës dhe zyrtarët e arrestuar
• Tjetërsuan 7500 m2 tokë në Bërxullë, arrest me burg për 3 zyrtarë dhe 1 qytetar