Toksikologia: Pacienti 12 vjeç nisi marijuanën, 18 vjeç kishte varësi nga kokaina

Toksikologia Suela Xhufi është shprehur se personat më të vegjël që janë përdorues të marijuanës janë të moshës 9-vjeç.

E ftuar në emisionin “Good Morning Albanians” në Euronews Albania, ajo tregoi disa mënyra se si fëmijët bëhen përdorues të drogërave.

Më tej ajo tregoi dhe rastin një pacienti që kishte nisur marijuanën në moshën 12-vjeç ndërsa në moshën 18-vjeç kishte përfunduar duke pirë kokainë.

“15 milion persona janë përdorues të kokainës për vitin 2022. Mosha e përdorimit të kokainës nuk është më 15 vjeç, por kam pas raste të paicentëve 9-vjeç, 11-vjeç që kanë përdorur marijuanë. Janë disa teza që hedhim se ku fëmijët e marrin drogën. Teza e parë është familja, nëse mami e babi janë përdorues atëherë dhe fëmija do e pijë.

Teza e dytë është shoqëria. Në këto raste janë fëmijët që kanë prindërit e pasur. Tjetra është performanca e ulët në shkollë. Droga sot gjendet shumë lehtë. Në rastin e kokainës mosha më e vogël është 18-vjeç. Po marrë një rast, ku një person në moshën 12-vjeç e ka nisur me marijuanë e më pas në moshën 18-vjeç ka qenë përdorues i kokainës”- tha ajo.

LEXONI GJITHASHTU: 

• Kujdes me çmimet e ilaçeve, jo gjithmonë më të shtrenjtat janë më cilësoret
• Droga shpërndahet nëpër shkolla, të rinjtë të rrezikuar