Tom Doshi dhe Sabina Jorgo të PSD-së heqin dorë nga mandati, ja kush i zëvendëson

Seanca e parë e legjislaturës së XI të Kuvendit të Shqipërisë pasditen e të hënës ka nisur me procedurën e verifikimit të mandateve. Ajo që ra në sy në nisje të kësaj seance është se nga mandati kanë hequr dorë dy përfaqësues të PSD-së së drejtuar nga Tom Doshi.

Vetë Doshi ka hequr dorë, ku shënon herën e dytë njëlloj si legjislatura e parë që e kryen këtë akt, ndërkohë dhe përfaqësuesja tjetër Sabina Jorgo.

Sipas Kodit Zgjedhor dy pasuesit janë Osman Teta dhe Bledar Mezini.

Shkresa e plotë e dorëheqjes së Tom Doshit:

“Lënda: Për heqje dore nga mandati i deputetit.

Të nderuar anëtarë të Komisionit të Përkohshëm për Verifikimin e Mandateve,

Unë, Tom Doshi, deputet i zgjedhur i subjektit zgjedhor Partia Socialdemokrate në Qarkun e Shkodrës, sipas vendimit të KQZ-së nr. 34, datë 28.8.2025, “Për shpalljen e rezultatit përfundimtar të zgjedhjeve për Kuvendin e Shqipërisë, 11 maj 2025”, njoftoj zyrtarisht se në bazë të nenit 71, pika 2, shkronjat “a” dhe “b” të Kushtetutës, nuk do të bëj betimin duke hequr dorë nga mandati i deputetit”, thuhet në shkresë.

LEXONI GJITHASHTU:

• Nga Topalli te Tom Doshi, cilat janë 10 figurat politike që rikthehen në parlament
• Tom Doshi paraqitet në SPAK