Tom Doshi paraqitet në SPAK

Kreu i Partisë Social Demokrate, Tom Doshi, është paraqitur mëngjesin e kësaj të hëne në ambientet e Prokurorisë së Posaçme.

Ai është parë i pashoqëruar dhe i buzëqeshur teksa futej në ambientet e këtij insitucioni.

“Isha lidhur me zgjedhjet në Rrogozhinë pasi kam bërë një takim dhe personi që kam takuar ka qënë në përgjim”,-tha para mediave Tom Doshi pas daljes nga ambientet e SPAK-ut.

Tom Doshi së fundmi ka deklaruar se do të rikthehet në politikë duke kandiduar si deputet ndonëse është shpallur “non grata” nga SHBA.

Doshi ka qenë deputet me PS për tre mandate, 2005, 2009, 2013. Ndërkohë edhe pse garoi në zgjedhjet parlamentare të 2021, Doshi dha dorëheqjen nga mandati i deputetit të fituar më 25 prill 2021.

Në vitin 2018, Shtetet e Bashkuara të Amerikës ia ndaluan udhëtimin në Amerikë atij dhe familjes, për shkak se u akuzua “për përfshirje në korrupsion të përmasave të gjëra.”

LEXONI GJITHASHTU:

• Ajola Xoxa shkon në SPAK për masën e “detyrimit të paraqitjes”
• Altin Dumani flet mbi strategjinë e SPAK kundër krimeve zgjedhore