Topalli: Ka vajza që përndjekin personazhet publike. Malaj: Shoqëri e sëmurë

Gentian Gega, 45-vjeçari që prej të paktën 10 ditësh përndiqte në mënyrë të vazhdueshme një 23-vjeçare në rrjetet sociale është arrestuar nga Sektori i Krimit Kibernetik pranë policisë së Tiranës.

E reja pasi merrte vazhdimisht mesazhe të tipit “të dua, nuk jetoj dot pa ty”, ka bërë kallëzim pranë policisë dhe menjëherë krimi kibernetik ka nisur hetimet.

Në lidhje me rastin, gazetarja Aida Topalli e ftuar në emisionin “Good Morning Albanians” në Euronews Albania, është shprehur se ka qytetarë të thjeshtë që përndjekin ish-të dashurat apo të dashurat e tyre.

Mes tjerash ajo nënvizoi se ka dhe vajza që përndjekin djemtë.

“Ka qytetarë të thjeshtë që përndjekin ish-të dashurat, të dashurat e tyre. Përgjithësisht janë djemtë ata që përndjekin, në pak raste, kur janë personazhe publike, ka dhe vajza”-tha gazetarja Topalli.

Nga ana tjetër, pedagogia Nora Malaj, është shprehur se shoqëria shqiptare është e sëmurë.

“Jemi në një moment shumë të rëndësishëm për të bërë një studim mbarëkomb ëtar dhe do e mendoja që stafet akademike, mund të bëjnë një studim për të parë se cilat janë fenomenet e shoqërisë shqiptare. Ne jemi shoqëri e sëmurë fatkeqësisht”-tha Malaj.

LEXONI GJITHASHTU: 

• Nis petecioni për largimin e kryetarëve të komunave në Mitrovicë të Veriut
• Përfshihet nga flakët hoteli në qendër të Shkodrës, zjarrfikësit në vendngjarje