Topollaj: 12 pika që garantojnë sistem më të mirë zgjedhor, asnjë s’prek Kushtetutën

Koordinator i Partisë Bindja Demokratike, Fabian Topollaj foli në një intervistë për “Now me Erla Mëhillin” në Euronews Albania për 12 pika që do të garantojnë një sistem më të mirë zgjedhor.

Sipas tij asnjë nga 12 pikat e propozuara nga ta nuk prek Kushtetutën.

“Referendumi tregon vullnetin e popullit, cila mazhorancë apo forcë kryesore opozitare do të guxojë, që nëse do të mbahet një referendum dhe shumica dërrmuese e shqiptarëve do të votojnë për ndryshimin e sistemit apo për hapjen e këtij sistemi, ajo mazhorancë apo ajo forcë kryesore opozitare të këmbngulë dhe ta mbajë të mbyllur?! Atëherë do të ishte një veprim jo politik i tyre. Presioni publik është i rëndësishëm dhe unë mendoj që asnjë parti politike, qoftë dhe e madhe nuk do të guxonte që të qëndronte stoike dhe t’i thoshte shqiptarëve që ne do t’i mbajmë të mbyllura listat që të përfitojmë dhe të mbajmë  qeverisjen me zor duke pasur një rezultat referendar që populli do krejt të kundërtën e saj,” – u shpreh Topollaj.

LEXONI GJITHASHTU:

• Ndryshimi i sistemit zgjedhor, Topollaj: Do bashkëpunonim e me djallin që të arrihej
• Topollaji: Ku bashkohen Rama, Basha dhe Veliaj në Bashkinë e Tiranës