Tragjedia me mbi 500 viktima, grekët protesta përballë zyrave të FRONTEX

Rreth 200 persona në qytetin-port të Pireut, në Greqi, marshuan drejt zyrave të FRONTEX dhe Gardës Helene në shenjë proteste për menaxhimin e rastit të anijes që u mbyt javën e kaluar në brigjet e lokalitetit Pilos.

Pyetjet nëse roja bregdetare greke duhet të kishte ndërhyrë më parë për të ndihmuar emigrantët janë të shumta.

Rreth 750 burra, gra dhe fëmijë nga Siria, Egjipti, territoret Palestineze dhe Pakistani ndodheshin në bordin e mjetit që synonte të arrinte Evropën.

Një shërbesë fetare u mbajt të dielën në portin e Kalamatës, në nder të viktimave. Mbi 500 persona supozohet të jenë mbytur dhe deri tani 78 trupa janë rikuperuar. Ndërkohë, 104 janë të mbijetuarit e shpëtuar.

Roja bregdetare dhe qeveria greke deklarojnë se patrullat e tyre ishin penguar nga anije peshkimi dhe tregtare, pasi anija me emigrantë u lokalizua nga një avion i agjencisë FRONTEX.

Ato thonë se ofruan asistencë, por ajo u refuzua nga dikush në varkën me emigrantë.

LEXONI GJITHASHTU:

• Tragjedia në Greqi, 100 fëmijë gjendeshin në bordin e varkës që u përmbyt
• VIDEO| Me shpejtësi tej normave me makinën e policisë, efektivi arreston kolegun