Trajneri i Belgjikës jep dorëheqjen pas eliminimit nga Kupa e Botës

Trajneri i skuadrës belge të futbollit, Roberto Martinez, ka dhënë dorëheqjen sonte pas eliminimit të ekipit të tij nga Kupa e Botës në Katar.

Belgjika ka luajtur sonte pa gola ndaj Kroacisë në ndeshjen e xhiros së tretë, të fundit të Grupit F në Botërorin e Katarit. Belgjika, skuadra e tretë në Kupën e Botës katër vjet më parë në Rusi, fitoi vendin e tretë në Grupin F dhe përfundoi pjesëmarrjen në Katar.

“Kjo ishte ndeshja ime e fundit si trajner i Belgjikës. Nuk mund të vazhdoj. I thashë lamtumirë lojtarëve dhe stafit stërvitor. Do të kisha dhënë dorëheqjen edhe nëse do të ishim bërë kampionë bote. E mora këtë vendim para fillimit të Kupës së Botës”, tha Martinez.

LEXONI GJITHASHTU:

• Kualifikohet Maroku, Kroacia eliminon Belgjikën e Lukakut
• Humbja e Polonisë, Lewandowski: Argjentina ishte superiore