Trajneri përplaset me gazetarin, Troisi: Duhet të mësosh më shumë

Diego Longo është trajneri i ri i Flamurtarit, ndërsa parardhësi i tij Marcelo Troisi nuk mundi të përmbushte synimet e klubit.

Braziliani duket se nuk e ka pritur mirë largimin nga pankina, teksa është përplasur dhe me gazetarin e Euronews Albania, Enriko Gabaj.

Në një postim të gazetarit lajmërohet ardhja e teknikut Longo, ndërsa komenti i Troisit shkon si një sulm ndaj gazetarit, duke i pohuar këtij të fundit se nuk është i aftë plotësisht për të punuar si gazetar sporti.

“Enriko Gabaj kjo tregon profesionalizmin e tij, një mendim i keq, tregon se ai nuk di asgjë nga futbolli, ai është thjesht një tifoz. Duhet të mësosh më shumë për të punuar në gazetarinë sportive”, ishte komenti i Troisit.

Duket se braziliani është kundër të gjitha mendimeve ndryshe dhe kritikave edhe pse gazetari në asnjë moment nuk analizoi apo vlerësoi punën e teknikut.