Transporti falas në Luksemburg. Kuzhinierja: Urbanët janë pa faturino dhe me kamera

Luksemburgu është vendi i vetëm që e ka transportin publik plotësisht falas. Kuzhinierja Majlinda Brakaj, e cila prej vitesh jeton atje, ka thënë për emisionin “Good Morning Albanians” se si ka ndikuar kjo në jetën e tyre të përditshme.

Ajo ka thënë se në Luksemburg nuk janë falas vetëm autobusët, por edhe tramët dhe biçikletat, gjë që ka ndihmuar shumë në zgjidhjen e problemeve me trafikun.

Gjithashtu, ajo tha se autobusët janë në gjendje shumë të mirë dhe shumë të pastër, të pajisur me kamera dhe priza për të karikuar telefonat.

“Trafiku është evituar shumë se njerëzit nuk lëvizin me makinë, veç atyre që janë të detyruar. Këtu kanë lënë gjithashtu edhe biçikletat falas.

Autobusat janë thuajse çdo 15 minuta, ndërsa trami është çdo 3 minuta. Nuk ka faturino, çdo gjë është e lirë. Autobusat janë me kamera, me kushte shumë të mira, me priza për telefona dhe dezinfektues për duart”, tha për Euronews Albania, Majlinda Brakaj.

LEXONI GJITHASHTU:

• Luksenburgu, i vetmi vend me transport publik falas
• “Në garë u futa për fitore”, Roland Bejko: Do e mund Veliajn, kam besim te qytetarët