Transportonin emigrantë me makina luksoze, në pranga 4 të rinj nga Kosova

4 të rinj nga Kosova janë arrestuar nga policia e Korçës teksa transportonin emigrantë të paligjshëm.

Në pranga u vunë shtetasit -A. P., 27 vjeç; E. S., 22 vjeçe; U. K., 27 vjeç; A. S., 26 vjeç, banues në Prishtinë, Kosovë.

Këta persona u kapën  në aksin rrugor “Maliq-Gramsh”, pranë vendit të quajtur “Tyrbja e Gocës”, Maliq, teksa udhëtoni me tre automjete, tip “Volkswagen”, “Audi Q7” dhe “Audi A8”.

Nga tërësia e veprimeve hetimore dhe provave të siguruara, ka rezultuar se këta 4 shtetas, në bashkëpunim me njëri-tjetrin, do të transportonin kundrejt pagesës, për të kaluar kufirin drejt Kosovës dhe më pas drejt vendeve të BE-së, 5 emigrantë të paligjshëm.

Në cilësinë e provës materiale u sekuestruan 3 automjetet, 4 aparate celulare, shuma monetare të valutave të ndryshme.

Vijojnë hetimet për dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të përfshirë në të.

LEXONI GJITHASHTU:

• Emigrantët zgjedhin Shqipërinë për të festuar Pashkët, fluks i shtuar në Kapshticë
• Transportonin emigrantë me makina luksoze, arrestohen 4 persona