Tre të vrarë nga të shtënat me armë në Universitetin e Virxhinias

Tre persona u vranë dhe dy u plagosën në një të shtëna në kampusin e një universiteti në Virxhinia, tha sot policia.

Zyrtarët e universitetit nuk i identifikuan viktimat dhe nuk thanë nëse ishin studentë, raporton CNN.

Sulmi ndodhi të dielën vonë dhe policia njoftoi se i dyshuari për të shtënat është studenti Christopher Darnell Jones dhe u bëri thirrje qytetarëve që të raportojnë nëse e shohin.

Autoritetet thanë të hënën në mëngjes se shumë departamente policore po kërkonin në mënyrë aktive për Jones, duke përfshirë përdorimin e një helikopteri të Policisë së Shtetit të Virxhinias.

LEXONI GJITHASHTU:

• Të paktën 11 të vrarë nga të shtënat gjatë stërvitjeve ushtarake ruse
• Të shtëna me armë, sulmohet posta policore në veri të Kosovës